رۆژی یەک شەممە ٢٧/٤/٢٠٢٥ دامەزراوەی ڤیژن بۆ لێکۆڵینەوەی ستراتیجی فۆکەس گروپێکی رێکخست بۆ قسەکردن و تاوتوێکردنی پەیکەر و پێکهاتەی پارتە سیاسیەکان و ئۆرگانەکانی بڕیاردانی پارتە سیاسیەکان لەهەرێمی کوردستان.

ئەم فۆکەس گروپە کە بە ئامادەبوونی ژمارەیەکی بەرچاو لەتوێژەران و ئەکادیمیەکانی بواری سیاسی بەڕێوەچوو، دەکەوێتە  چوارچێوەی زنجیرە پرۆژەیەکی دامەزراوەکە بۆ باشترکردنی ئەزمونی پارتە سیاسیەکان و بەئەنجامیش باشترکردنی ئەزمونی هاوڵاتیان لەگەڵ پارتە سیاسیەکانی هەرێمی کوردستان. 

بۆ شیکردنەوە و تێگەیشتنی زیاتر لەپێکهاتەی پارتە سیاسیەکان، وا بڕیارە لەرۆژانی داهاتوو زنجیرە فۆکەس گروپێکی دیکە لەگەڵ ئەندامان و لایەنگران هەروەها ژنان و گەنجانی نێو پارتە سیاسیەکان ئەنجامبدرێت.