ڤیژن فاوەندەیشن

ڤیژن فاوەندەیشن، گۆڕینی فەلسەفەی رێگاوبانەکان لە روانگەیەکی ئەندازیاريیەوە بۆ ئامرازێکی گەشەی ئابووری بەپێویست دەزانێت، بە تایبەتی لە رێگەی بەستنەوەی دەروازە سنوورییەکان و ناوچە کشتوکاڵی، پیشەسازی و گەشتیارییەکان بە کۆمەڵگەکانی نیشتەجێبوونەوە.

ئەو روانگەیە، لەلایەن ئەلەند مەحوی، جێگری سەرۆکی دامەزراوەی ڤیژن بۆ لێکۆڵینەوەی ستراتیجی، لە وۆرکشۆپی ماستەرپلانی رێگاوبانە گشتییەکانی وەزارەتی ئاوەدانکردنەوە خرایەڕوو.

وۆرک شۆپەکەی وەزارەتی ئاوەدانکردنەوە و نیشتەجێکردنی حکومەتی هەرێمی کوردستان، بە ئامادەبوونی بەرپرسانی حکومی و شارەزایان و لایەنە پەیوەندیدارەکان و نوێنەری دامەزراوەی ڤیژن، له‌ شارى هه‌ولێر ئەنجامدرا کە تايبه‌ت بوو به‌ ماستەرپلانی رێگاوبانە گشتییەکانی هەرێمی کوردستان(2026-2036).