دامهزراوهى ڤيژن بهشداريى له كردنهوهى دهزگاى پهرهپێدانى ناوچهى راپهڕين كرد
31 ئایار 2026
دامهزراوهى ڤيژن بۆ لێكۆڵينهوهى ستراتيجى، بهشدارى له رێوڕهسمى كردنهوهى (دهزگاى پهرهپێدانى ناوچهى راپهڕين)ـى كرد، كه كاردهكات بۆ گهشهپێدانى دهڤهرهكه و تێيدا بهرپرسانى باڵا و كونسوڵى چهند وڵاتێكى بيانى بهشدارييان تێدا كرد.
رێوڕهسمهكه، ئهمڕۆ يهكشهممه 31/5/2026 له رانيه بهڕێوهچوو، د. ديدار عهبدولكهريم، بهرپرسى بهشى توێژينهوهكانى دامهزراوهى ڤيژن وهك نوێنهرى دامهزراوهكه بهشدارى تێدا كرد.
له رێوڕهسمهكهدا، بهڕێز قوباد تاڵهبانى، جێگيرى سهرۆكوهزيرانى ههرێمى كوردستان بهشدارى كرد و وتارێكى لهبارهى گرنگى ئهم دهزگا توێژينهوهيهى بۆ بهرهوپێشبردنى دهڤهرهكه باسكرد، ههريهك له كونسوڵى بهريتانيا، فهرهنسا و ئهرمينياش بهشدارييان تێدا كرد.
گهشهپێدانى ئابورى ناوچه جياوازهكانى ههرێمى كوردستان به گشتى و دهڤهرى راپهڕين به تايبهت، يهكێكن لهو ئامانجانهى دامهزراوهى ڤيژن بهردهوام كاريان لهسهر دهكات، لهوبارهيهوه له كۆتاييهكانى مانگى رابردوو ديدارێكى بهرفراوانى بۆ دهرفهتهكانى گهشهپێدانى ئابورى ئيدارهى راپهڕين بهڕێوهبرد.
260524061536.jpeg)
بڵاوکردنەوە