ڤیژن فاوەندەیشن و باڵیۆزی سویسرا گفتوگۆ لەسەر هەماهەنگی و پڕۆژەی هاوبەش دەکەن
30 ئەیلوول 2026
ڤیژن فاوەندەیشن
پڕۆژەکانی ڤیژن بۆ ژنان و گەنجان، راهێنانی رۆژنامەنووسان بۆ رووبەڕووبوونەوەی ساختەهەواڵ، گفتوگۆکردن لەسەر پڕۆژەکانی داهاتوو، هەماهەنگی نێوان هەردوولا، ناوەڕۆکی کۆبونەوەیەکی نێوان باڵیۆزی سویسرا و ڤیژن فاوەندەیشن بوو.
ئهمڕۆ چوارشەممە 30ـی ئەیلوول 2026، پیتەر نیڵسۆن، باڵیۆزی نوێی سویسرا لە عێراق سەردانی دامهزراوهى ڤيژن بۆ لێكۆڵينهوهى ستراتيجيى کرد، گفتوگۆ لەسەر پڕۆژەکانی دامەزراوەی ڤیژن و بۆرده جياوازهكانى دامهزراوهكه کرا. بەتایبەتی کارەکانی بۆردى كۆمهڵايهتی و ئەو کار و پڕۆژانەی بۆردەکە تايبهت بۆ پرسى ژنان و گەنجان ئەنجامی دەدات.
باڵیۆزی سویسرا بە گرنگييهوه پڕۆژەکانی ڤیژن فاوەندەیشنی هەڵسەنگاند، بە تايبهت ئهو پڕۆژانهى بۆ خزمهتكردنى زياترى ههرێمى كوردستان لە هەموو بوارەکاندا ئەنجامی دەدات، لە ناویاندا پڕۆژەی عێراق فلتەر و خولی راهێنانی رۆژنامەنووسان بۆ رووبەڕووبوونەوەی هەواڵی چەواشەکار و ساختەهەواڵ لە عێراق و هەرێمی کوردستان، کە لەلایەن دامەزراوەی ڤیژن بۆ لێکۆڵینەوەی ستراتیجی و هاوبەشەکانی بەڕێوەدەچێت.
لە کۆبوونەوەکەدا گفتوگۆ لەسەر هەماهەنگی نێوان باڵیۆزخانەی سویسرا و دامەزراوەی ڤیژن بۆ لێکۆڵینەوەی ستراتیجی کرا، لە خستنەڕووی کێشەکان و ئەنجامدانی توێژینەوە و گفتوگۆی کراوە و بەدواداچوون بۆ چارەسەرکردنیان
بڵاوکردنەوە