ڤیژن فاوندەیشن

  دامەزراوەی ڤیژن بۆ لێکۆڵینەوەی ستراتیجی، بە دوو توێژینەوەی زانستی بەشداریی لە کارەکانی دووەمین کۆنفرانسی نێودەوڵەتیی (ژیریی دەستکرد بۆ بەردەوامیدان لە جیهانی گەشەکردوودا - AISDW26) کرد. 

کۆنفرانسەکە لە رۆژانی 3 و 4ـی تشرینی دووەمی 2026 لە شاری رانیە، بە میوانداریی زانکۆی راپەڕین و بە هەماهەنگیی هەشت زانکۆی دیاری ناوخۆیی و نێودەوڵەتی بەڕێوەچوو، تێیدا توێژەران و ئەکادیمیستان تیشکیان خستەسەر نوێترین گۆڕانکارییەکانی بواری تەکنەلۆجیا و ژیریی دەستکرد.

لە پانێڵە زانستییەکانی کۆنفرانسەکەدا، توێژەران (د.ئاکۆ حەمەکەریم و د. نه‌به‌رد كه‌ريم) بە نوێنەرایەتیی دامەزراوەی ڤیژن بۆ لێکۆڵینەوەی ستراتیجی، دوو توێژینەوەی زانستییان پێشکەش کرد.

د.ئاكۆ حه‌مه‌كه‌ريم، به‌شێوه‌ى ئۆنلاين توێژينه‌وه‌كه‌ى پێشكه‌شكرد، باسى له‌ ئاسايشى نيشتيمانى عێراق و هه‌رێمى كوردستان كرد له‌ سه‌رده‌مى ژيريى ده‌ستكرددا، ئاڵنگاريى، هه‌ل و پێداويستييه‌كانى هه‌ردوولاى تێدا روونكردبوه‌وه‌.

له‌ توێژينه‌وه‌يه‌كى ديكه‌دا كه‌ بە هاوبەشی لە نێوان د.نەبەرد کەریم رەحیم و د.چیا محەمەد حەسەن ئەنجامدرابوو، تايبه‌ت بوو به‌ په‌يوه‌نديى نێوان بانكه‌كان و رۆڵى ژيريى ده‌ستكرد له‌ به‌ره‌وپێشچوونى كاره‌كاندا، گەیشتبوونە ئەو دەرئەنجامەی‌ پەیوەندییەکی ئەرێنیی زۆر بەهێز لە نێوان بەکارهێنانی ژیریی دەستکرد و باشتربوونی رۆڵی دارایی بانکەکاندا هەیە له‌ سنورى پارێزگاى سلێمانى.

ئەم بەشداریکردنە، هەنگاوێکی دیکەی گرنگی دامەزراوەی ڤیژن بۆ لێکۆڵینەوەی ستراتیجییە، بە ئامانجی بەشداریی کارا لە ناوەندە زانستییەکان و خستنەڕووی توێژینەوە سەبارەت بە ژیریی دەستکرد و رۆڵی ستراتیجیی ئەو تەکنەلۆجیایە لە دەستەبەرکردنی گەشەپێدانی بەردەوام لە جیهانی ئەمڕۆدا.